सौर्य एयरलाइन्स विमान दुर्घटना : एकै परिवारका तीन जनाले ज्यान गुमाए

फिचर

गृहपृष्ठ
फिचर
सौर्य एयरलाइन्स विमान दुर्घटना : एकै परिवारका तीन जनाले ज्यान गुमाए

सौर्य एयरलाइन्स विमान दुर्घटना : एकै परिवारका तीन जनाले ज्यान गुमाए

बुधबार, साउन ९, २०८१ मिडिया जर्नल

काठमाडौँ । पोखराका लागि उडेपछि दुर्घटनामा परेको सौर्य एयरलाइन्सको जहाजमा एकै परिवारका तीन जनाले ज्यान गुमाएको खुलेको छ । सौर्य एयरलाइन्सका प्राविधिक मनुराज शर्मा, उनकी श्रीमती प्रिजा खतिवडा र ४ वर्षीय छोरा अधिराज शर्माले दुर्घटनामा ज्यान गुमाएका हुन् ।

प्रिजा ऊर्जा जलस्रोत तथा सिँचाइ मन्त्रालयमा सहायक कम्प्युटर अपरेटर थिइन् । बुधबार इन्जिन परीक्षणका लागि पोखरा अन्तर्राष्ट्रिय विमानस्थलको ह्यांगर प्रयोग गर्ने गरी विमान उडेको थियो । तर विमान उडेलगत्तै विमानस्थल क्षेत्रभित्रै दुर्घटनामा परेको थियो ।

पोखरा उडेको सो विमानमा ऊर्जा मन्त्रालयकी कर्मचारी खतिवडा र उनको नाबालक छोरा समेत परेको सूचना प्राप्त भएको प्रवक्ता नवीनराज सिंहले जानकारी दिए ।

सौर्य एयरलाइन्सले विवरणमा खतिवडा र उनका छोरालाई पनि कम्पनीकै कर्मचारीको रुपमा देखाए पनि उनीहरू यात्रु रहेको खुलेको छ ।

प्रकाशित मिति: बुधबार, साउन ९, २०८१ १६:०५

प्रतिक्रिया दिनुहोस्