दैलेखको ठाटीकाँध बजार सडक कालोपत्रे हुँदै

विकास / पूर्वाधार

गृहपृष्ठ
विकास / पूर्वाधार
दैलेखको ठाटीकाँध बजार सडक कालोपत्रे हुँदै

दैलेखको ठाटीकाँध बजार सडक कालोपत्रे हुँदै

बुधबार, चैत २७, २०८१ मिडिया जर्नल

काठमाडौँ । दैलेखको ठाटीकाँध गाउँपालिकामा रहेको ठाटीकाँध बजार क्षेत्रको सडक कालोपत्रे कार्य सुरु गरिएको छ। आर्थिक वर्ष २०८०/८१ मा विनियोजित बजेटअनुसार गाउँपालिकाले करिब १ किलोमिटर बजार क्षेत्रको सडक कालोपत्रे गर्न लागेको हो ।

गाउँपालिकाका प्रमुख प्रशासकीय अधिकृत तुलसी प्रसाद उपाध्यायका अनुसार प्रहरी चौकी ठाटीकाँधदेखि बाजेको पसलसम्मको सडक कालोपत्रे गरिँदैछ। संघीय समपूरक र पालिकाको साझेदारीमा ३ करोड ८० लाखको अनुमानित लागत रहेकोमा ३ करोड ५३ लाख रुपैयाँमा विराट ज्वाला जेभीसँग ठेक्का सम्झौता गरिएको छ।

पालिका सवइन्जिनियर लव बहादुर सिजापतीका अनुसार सम्झौताअनुसार कालोपत्रेसँगै सडक मेसिनरीवाल, ग्याभिन र नाला निर्माण कार्य पनि गरिनेछ। हालसम्म २०–२५ प्रतिशत काम सम्पन्न भइसकेको जानकारी दिए।

सडक कालोपत्रे कार्य आगामी असार १५ गतेसम्म सम्पन्न गरिने लक्ष्य रहेको छ। स्थानीयवासीले सडक स्तरोन्नतिसँगै बजार क्षेत्रको पूर्वाधारमा सुधार हुने अपेक्षा गरेका छन्।

प्रकाशित मिति: बुधबार, चैत २७, २०८१ १२:३५

प्रतिक्रिया दिनुहोस्