काठमाडौंमा ६४ सहित थप २५९ जना कोरोनाभाइरस सङ्क्रमित

समाज

गृहपृष्ठ
समाज
काठमाडौंमा ६४ सहित थप २५९ जना कोरोनाभाइरस सङ्क्रमित

काठमाडौंमा ६४ सहित थप २५९ जना कोरोनाभाइरस सङ्क्रमित एक जनाको मृत्यु

मंगलबार, साउन २०, २०७७ Girija Kc

काठमाडौंमा ६४ सहित थप २५९ जना कोरोनाभाइरस सङ्क्रमित

ललितपुर, २० साउन । नेपालका विभिन्न स्थानमा थप २५९ जनामा कोभिड–१९ पुष्टिभएको छ भने एक जनाको मृत्यु भएको जानकारी स्वास्थ्य तथा जनसङ्ख्या मन्त्रालयको नियमित प्रस ब्रिफिङ मार्फत मन्त्रालयका प्रवत्ता डा. जागेश्वर गौतमले बताएका छन् ।

यससँगै अहिलेसम्म कोभिडका कारण मृत्यु हुने सङ्क्रमितको आधिकारिक सङ्ख्या ५८ पुगेको छ। यो वृद्धिसँगै अहिलेसम्म देशभरि सङ्क्रमितको कुल सङ्ख्या २१,००९ पुगेको मन्त्रालयका प्रवक्ता डा. गौतमले बताए।

त्यस्तै आज काठमाडौं उपत्यकामा ६२ जना नयाँ कोरोना संक्रमित थपिएका छन् । जसमध्ये काठमाडौंमा ४८ जना, भत्तपुरमा १३ जना र ललितपुरमा १ जनामा संक्रमण देखिएको छ ।

मन्त्रालयको तथ्याङ्कअनुसार अहिले सक्रिय सङ्क्रमण भएका व्यक्तिको सङ्ख्या ५,९२५ छ । गत महिना एकैदिन ७४० जना सङ्क्रमित थपिएको मन्त्राललयले असार १९ पुष्टि गरेको थियो। सोमवार ४१८ जनामा कोभिड पुष्टि भएको थियो।

विगत २४ घण्टामा पीसीआर विधिबाट ७,६८७ वटा परीक्षण भएको मन्त्रालयले जनाएको छ। सो अवधिमा ६५ जना निको भएका छन् भने भाइरसमुक्त भएका सङ्क्रमितको सङ्ख्या १५,००० नाघेको छ।

अहिले देशभरि विभिन्न स्थानमा १०,४०० भन्दा केही बढी मानिसहरू क्वारन्टीनमा छन्।तीमध्ये गण्डकी र सुदूरपश्चिम प्रदेशमा हुनेको सङ्ख्या सर्वाधिक छ।