कला/ मनोरञ्जन

गृहपृष्ठ
कला/ मनोरञ्जन
‘जारी २’को टिजर सार्वजनिक

‘जारी २’को टिजर सार्वजनिक

सोमबार, साउन २६, २०८२ मिडिया जर्नल

काठमाडौँ । कवि उपेन्द्र सुब्बाको निर्देशनमा बनेको तेस्रो फिल्म ‘जारी २’को टिजर सार्वजनिक भएको छ ।

निर्माण पक्षले सोमबार बिहान युट्युबमार्फत् टिजर सार्वजनिक गरेको हो । टिजरले फिल्मको कथा लिम्बू समुदायको पहिचान च्याब्रुङ केन्द्रित रहेको छ ।

टिजरको सुरुवातमै संवाद छ, ‘च्याब्रुङ नाच्न अनाउने लिम्बू त नाङ्गो पहाड जस्तो हो ।’ अर्थात्, फिल्मको कथा लिम्बू संस्कृतिसँग जोडिएको टिजरले खुलाएको छ । यो हिट फिल्म ‘जारी’को सिक्वेल हो । दयाहाङ राई र मिरुनाको जोडीलाई सिक्वेलमा देखाइएको छ । अघिल्लो श्रृङ्खलाको अन्तिममा दयाहाङ–मिरुनाको छोरी जन्मिएको देखाएको थियो । टिजरमा उनीहरुको छोरी हुर्किइसकेको देखाइएको छ ।

यो जोडीको वैवाहिक सम्बन्ध बिग्रिएको कथामा ‘जारी’ बनेको थियो । यो कथा नै उनीहरुको नोकझोँकले वैवाहिक सम्बन्ध बिग्रिएको कथामा उक्त फिल्म बनेको थियो । ‘जारी २’को टिजरमा पनि यो जोडीको नोकझोँक देखाइएको छ । यसले फिल्मप्रति दर्शकको आकर्षण बढाउन सक्छ ।

यस फिल्मको निर्देशक र लेखक उपेन्द्र सुब्बा हुन् । बासुरी फिल्मस र कबड्डी फिल्मको सहकार्यमा बनेको यस फिल्मका निर्माताहरु रामबाबु गुरुङ, मधु मिजार र जीवन गुरुङ हुन् ।

प्रकाशित मिति: सोमबार, साउन २६, २०८२ १७:१३

प्रतिक्रिया दिनुहोस्