समाज

गृहपृष्ठ
समाज
आजबाट पल शाह अभिनीत ‘मोहर’ र सौगात मल्ल अभिनीत ‘सिटामोल’ प्रदर्शनमा

आजबाट पल शाह अभिनीत ‘मोहर’ र सौगात मल्ल अभिनीत ‘सिटामोल’ प्रदर्शनमा

शुक्रबार, साउन २३, २०८२ मिडिया जर्नल

काठमाडौँ । आजबाट सौगात मल्ल अभिनीत चलचित्र सिटामोल र पल शाह अभिनीत चलचित्र मोहर एकसाथ प्रदर्शनमा आएको छ। यो महिना प्रदर्शनमा आउने यी दुई अन्तिम चलचित्र हुन्।

यी दुवै चलचित्रमा अभिनेत्री बेनिशा हमाल मुख्य भूमिकामा छिन् । ‘मोहर’ मा भने बेनिशासँगै अर्की अभिनेत्री नीति शाह पनि फिचर्ड छिन् ।

शोको कुरा गर्ने हो भने, यी दुवै चलचित्रले बराबरी जसो शो पाएका छन् । देशकै ठुलो मल्टिप्लेक्स क्युएफएक्सले काठमाडौंभित्र ‘सिटामोल’लाई १५ शो र मोहर’ लाई १४ शो पाएको छ। त्यस्तै, दोस्रो ठूलो मल्टिप्लेक्स आइएनआइ सिनेमाजले मोहरलाई १२ शो दिएको छ भने सिटामोलले ११ शो पाएको छ। अन्य हलमा पनि यी दुईले बराबर जस्तै शो पाएका छन् ।

राजबहादुर सानेले निर्देशन गरेको चलचित्र सिटामोल सामाजिक कथामा बनेको चलचित्र हो। यसले एक पूर्वमाओवादी कमान्डरलाई केन्द्रमा राखेर कथा भन्छ। त्यस्तै, मोहर सामाजिक–थ्रिलर चलचित्र हो। ओम प्रतीकको निर्देशनमा बनेको यो चलचित्रले देउकी प्रथाको नाममा बालिकामाथि हुने हिंसाको कथा भन्छ।

दुवै चलचित्रमा स्थापित नायक-नायिका भएकाले कुन चलचित्रले कस्तो व्यापार गर्ला भन्ने धेरैको कौतूहलको विषय हो । दुवै चलचित्रको पहिलो दिनको अनलाइन बुकिङ सुखद देखिएको छ भने दुवै चलचित्रको पहिलो दिनको कलेक्सन हेर्न भने आजको दिन कुर्नुपर्नेछ।

प्रकाशित मिति: शुक्रबार, साउन २३, २०८२ १३:१२

प्रतिक्रिया दिनुहोस्