राजनीति

गृहपृष्ठ
राजनीति
शाहीको माग : २०६४ यताका १४ गृहमन्त्रीलाई छानबिनको दायरामा ल्याउनुपर्छ

शाहीको माग : २०६४ यताका १४ गृहमन्त्रीलाई छानबिनको दायरामा ल्याउनुपर्छ

बिहीबार, असार ५, २०८२ मिडिया जर्नल

काठमाडौँ । राष्ट्रिय प्रजातन्त्र पार्टी (राप्रपा) का प्रमुख सचेतक ज्ञानबहादुर शाहीले भिजिट भिसा प्रकरणमा सन् २००७ यता (वि.सं. २०६४) का १४ जना गृहमन्त्रीहरूमाथि छानबिन गर्नुपर्ने बताएका छन्।

प्रतिनिधिसभाको शुक्रबारको बैठकमा बोल्दै उनले भिजिट भिसा प्रकरण कुनै दल विशेषको नभई सबै दलहरूको साझा मुद्दा भएको बताए। “यो एक जना गृहमन्त्रीको मात्रै होइन, २०६४ यता देशका सबै गृहमन्त्रीहरू जिम्मेवार छन्,” उनले भने।

उनका अनुसार लाखौं नेपालीहरू भिजिट भिसाको नाममा विदेशमा बेचिएर अलपत्र परिरहेका छन्। त्यसैले यो मानव बेचबिखनविरुद्धको राष्ट्रिय अभियान हुनुपर्ने उनको भनाइ थियो।
शाहीले संसदमा सबै दलहरूलाई एकजुट भएर छानबिन समिति गठन गर्न आग्रह गरे। “जबसम्म यो प्रकरणमा छानबिन समिति बनाइँदैन, तबसम्म आन्दोलन जारी रहनेछ,” उनले चेतावनी दिए।

साथै उनले संसद अवरोधका बीच बैठक नचलाउन सभामुखलाई आग्रह गर्दै भने, “यदि अवरोधको अवस्थामै बैठक सञ्चालन गरिन्छ भने, आज पनि राप्रपाले बैठक बहिष्कार गर्छ।”

प्रकाशित मिति: बिहीबार, असार ५, २०८२ १४:११

प्रतिक्रिया दिनुहोस्