राजनीति

गृहपृष्ठ
राजनीति
अनेरास्ववियु नयाँ नेतृत्वका लागि आज मतदान

अनेरास्ववियु नयाँ नेतृत्वका लागि आज मतदान

बिहीबार, जेठ २९, २०८२ मिडिया जर्नल

काठमाडौँ । नेकपा (एमाले) निकट अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) को नयाँ नेतृत्व चयनका लागि आज (बिहीबार) मतदान हुँदैछ। महाधिवेशनअन्तर्गत बिहान ८ देखि दिउँसो ४ बजेसम्म विद्युतीय मेसिनमार्फत मतदान हुनेछ।

महाधिवेशन अध्यक्ष मण्डल सदस्य माधव ढुंगेलका अनुसार बुधबार उम्मेदवारको अन्तिम नामावली सार्वजनिक भइसकेको छ। अध्यक्ष पदमा प्रकाश पौडेल र डा. सुजन कँडेल प्रतिस्पर्धामा छन्। महासचिवमा आरके रोमश, दीपक धामी र सुनिल कँडेलको उम्मेदवारी छ ।

खुला उपाध्यक्षमा पाँच र महिला उपाध्यक्षमा चारजनाले उम्मेदवारी दिएका छन् । यसपटक पहिलोपटक ३२ वर्ष उमेरहदभित्रका प्रतिनिधिले नेतृत्व चयन गर्दैछन् ।

करिब १ हजार ५४३ प्रतिनिधिले मतदान गर्नेछन् भने ५१९ उम्मेदवारबीच प्रतिस्पर्धा हुँदैछ। निर्वाचन प्रक्रियालाई छरितो बनाउन ४३ वटा विद्युतीय मेसिन प्रयोग गरिनेछ।

प्रकाशित मिति: बिहीबार, जेठ २९, २०८२ १०:५७