उपकुलपति बरालले राजीनामा दिएको विषयमा जानकारी छैन : शिक्षामन्त्री

राजनीति

गृहपृष्ठ
राजनीति
उपकुलपति बरालले राजीनामा दिएको विषयमा जानकारी छैन : शिक्षामन्त्री

उपकुलपति बरालले राजीनामा दिएको विषयमा जानकारी छैन : शिक्षामन्त्री

आइतबार, चैत १७, २०८१ मिडिया जर्नल

काठमाडौँ । शिक्षा, विज्ञान तथा प्रविधि मन्त्री विद्या भट्टराईले त्रिभुवन विश्वविद्यालयका उपकुलपति प्राडा केशरजंग बरालले राजीनामा दिएको विषयमा आफू जानकार नरहेको बताएकी छन् ।

आइतबार सिंहदरबारमा बसेको शिक्षा, स्वास्थ्य तथा सूचना प्रविधि समितिको बैठकमा सांसदहरूले उठाएका प्रश्नमा राजीनामाको विषयमा आफू जानकार नरहेको बताएकी हुन् । शनिबार बिदा परेकाले राजीनामाका विषयमा जानकारी नआएको र आज आउन सक्ने बताइन् ।

आफुले समेत सञ्चारमाध्यमबाट नै राजीनामाको दिएको बारे थाहा पाएको उनको भनाइ थियो । किन राजीनामा दिनुभएको हो भन्नेबारेमा औपचारिक जानकारी नरहेकाले औपचारिक तवरबाट जानकारी पाएपछि मात्रै समितिलाई जानकारी गराउने उनको भनाइ थियो ।

अहिले अनौपचारिक रूपमा आफूले पनि जानकारी पाएको बताउँदै विश्वविद्यालयबाट औपचारिक रूपमा जानकारी पाएपछि समितिलाई जानकारी गराउने बताइन् ।

उपकुलपति बरालले स्वास्थ्य अवस्थाको कारण देखाउँदै पदबाट राजीनामा दिएका हुन् ।

प्रकाशित मिति: आइतबार, चैत १७, २०८१ १७:२८