ललितपुर, १२ जेठ । बाँकेका अस्पतालमा कोभिड–१९ संक्रमितको चाप घट्दै गएपछि अस्पतालमा कोरोना संक्रमितलाई उपचारका लागि राखिने बेड खाली हुन थालेको छ ।
कोरोनाको दोस्रो लहरले देशभरका सबै अस्पतालका बेडहरु भरिभराउ भएका थिए । आज देखि भेरी अस्पताल, नेपालगञ्ज मेडिकल कलेज, वेस्टर्न अस्पतालमा (सर्जिकल बेड) र युनाइटेड अस्पतालमा कोभिडका बेड खाली हुन थालेका हुन् । यी अस्पतालहरुमा ५८ बेड खाली भएका थिए ।
स्वास्थ्य कार्यालय बाँकेका अनुसार मंगलबार साँझ ७ः१० बजेसम्म भेरी अस्पतालको कोभिड वार्डमा २७, नेपालगञ्ज मेडिकल कलेजमा २७, वेस्टर्न अस्पतालमा १३ र युनाइटेड अस्पतालमा ५ गरी कुल ७२ बेड खाली भएका छन् ।
यसअघि सोमबार दिउँसो २ बजेसम्म भेरी अस्पतालमा ११, नेपालगञ्ज मेडिकल कलेज कोहलपुरमा २९, वेस्टर्न अस्पतालमा १३ र युनाइटेड अस्पतालमा ५ बेड खाली भएका थिए ।
भेरी अस्पतालमा २०० बेडको क्षमता भएपनि मंगलबार १७० जना संक्रमित उपचाररत छन् । नेपालगञ्ज मेडिकल कलेजमा १३० बेड क्षमता रहेपनि मंगलबार १०२ जना संक्रमित उपचाररत छन् ।
वेस्टर्न अस्पतालमा (सर्जिकल बेड) १५ बेड रहेकोमा १० जना र युनाइटेड अस्पतालमा १६ बेड क्षमता रहेकोमा ३ जना मात्र संक्रमित उपचाररत रहेको बाँकेका कोरोना फोकल पर्सनले बताए ।
1721113067.jpg)
1727674320.jpg)
1725183633.jpg)
1722250944.jpg)
1731395413.jpg)
1717581128.jpg)
