काठमाडौं उपत्यकामा पुनः निषेधाज्ञा लगाउन सरकारलाई सुझाव

राजनीति

गृहपृष्ठ
राजनीति
काठमाडौं उपत्यकामा पुनः निषेधाज्ञा लगाउन सरकारलाई सुझाव

काठमाडौं उपत्यकामा पुनः निषेधाज्ञा लगाउन सरकारलाई सुझाव निषेधाज्ञा लगाउन सरकारलाई भक्तपुर नगरपालिकाको सुझाव

२६, असोज मिडिया जर्नल

काठमाडौं उपत्यकामा पुनः निषेधाज्ञा लगाउन सरकारलाई सुझाव

ललितपुर, २६ असोज । कोरोना संक्रमण रोकथाम तथा नियन्त्रणका लागि भक्तपुर नगरपालिकाले काठमाडौं उपत्यकाका तीनै जिल्लामा पुनः निषेधाज्ञा लगाउन सरकारलाई सुझाव दिएको छ ।

नगरपालिका स्तरीय प्रकोप व्यवस्थापन केन्द्रको आइतबार बसेको बैठकले काठमाडौं, ललितपुर र भक्तपुरमा पुनः निषेधाज्ञा लगाउन आग्रह गर्ने निर्णय भएको भतmपुर नगरपालिकाले जनाएको छ ।

‘उपत्यकामा दैनिक संक्रमण दर बढ्दो छ । यसले उपत्यकावासीमा संक्रमणको खतरा बढ्दै गएको संकेत गरेको छ । त्यसैले कोरोनाको हट स्पट हुनबाट बचाउन पुनः लकडाउन वा निषेधाज्ञा लगाउनुको विकल्प नरहेको बताएका छन् । तसर्थ सरकारलाई पुनः निषेधाज्ञा लगाउनका लागि आग्रह गर्ने निर्णय समेत गरेका छन् ।

दसैंको समयमा भीडभाड बढेर कोभिड–१९ को संक्रमण फैलिन सक्ने सम्भावनालाई मध्यनजर गर्दै नेपाल सरकारलाई विगतमा जस्तै अतिआवश्यक सेवाबाहेकका अन्य सेवाहरु बन्द हुने गरी पुनःनिषेधाज्ञा गर्न अनुरोध गर्ने निर्णय भएको बताईएको छ ।

निषेधाज्ञा प्रभावकारी बनाउन तीनै जिल्लामा एकैपटक निषेधाज्ञा लगाउन सकेमात्रै संक्रमणको जोखिमलाई कम गर्न सकिने हाम्रो विश्वास हो । तर काठमाडौं र ललितपुरमा निषेधाज्ञा जारी नगरिए पनि भक्तपुरमा मात्रै भएपनि निषेधाज्ञा गर्ने तयारीमा भक्तपुर नगरपालिका पुगेको छ ।

दसैंको समयमा हुन सक्ने संक्रमणको जोखिमलाई ध्यानमा राखी नगरपालिकाले वडा–वडामा स्वयम्सेवक परिचालन गरी कोभिड १९ बारे सर्वसाधारण जनतालाई निरन्तर सचेत गरिरहेको छ ।

बैठकमा भक्तपुरका प्रमुख जिल्ला अधिकारी हुमकला पाण्डेले निषेधाज्ञा खुकुलो बनाएसँगै उपत्यकामा कोरोनाको जोखिम निकै बढेकोमा चिन्ता व्यक्त गरेकी थिइन् । नजिकिँदै गएको दसैंमा भीडभाड रोक्न जिल्ला प्रशासन कार्यालय तदारुकताका साथ अगाडि बढिरहेको उनको भनाइ थियो ।

र याे पनि हेराै