झरीमै रामजी खाँडको प्रस्तुति हेर्न पुगे दर्शक

रोचक

गृहपृष्ठ
रोचक
झरीमै रामजी खाँडको प्रस्तुति हेर्न पुगे दर्शक

झरीमै रामजी खाँडको प्रस्तुति हेर्न पुगे दर्शक

आइतबार, फागुन २०, २०८० मिडिया जर्नल

रुकुमपश्चिम - रुकुम पश्चिम महोत्सवमा आज चर्चित गायक तथा मोडल रामजी खाँडले प्रस्तुति राखेका छन् । महोत्सवको दोस्रो दिन आज देखि कलाकारहरूले प्रस्तुति राख्न सुरु भएको हो । आज चर्चित लोक तथा दोहोरी गायक खाँडले दर्शकलाई नचाउनु नचाए । बिहानै देखि पानी परे पनि उल्लेख्य सङ्ख्यामा दर्शकहरू पुगेका थिए । झरीकै बिचमा गायक खाँडले प्रस्तुति राखेका थिए ।

उनले आफ्ना विभिन्न गीत गाएका थिए । झरीमै पनि दर्शकहरूले नाचेर रमाइलो गरेका थिए । खराब मौसमका कारण आज शनिवार सोचे अनुसार दर्शकहरू नआए पनि राम्रै सङ्ख्यामा दर्शकहरू आएको महोत्सवको सह आयोजक कला, संस्कृति, पर्यटन प्रवर्द्धन मञ्चका अध्यक्ष डिल्ली परियारले बताए । उनका अनुसार आज सबै गरेर करिब ३ हजार दर्शक आएका थिए ।

आज रामजी खाँडका साथै गायकहरू रमेश डाँगी, शान्तराम सेन्चुरी, डान्सरहरू सिन्धु चन्द र कल्पना विष्टले पनि प्रस्तुति राखेकाथिए । साथै स्थानीय कलाकारहरूले पनि प्रस्तुति राखेका थिए । महोत्सवमा भोली को आउने भनेर निश्चित हुन बाँकी रहेको अध्यक्ष परियारको भनाई छ ।

महोत्सवको शुक्रवार कर्णाली प्रदेशका जलस्रोत तथा ऊर्जा मन्त्री उर्मिला विश्वकर्माले उद्घाटन गरेकी थिइन् । रुकुम उद्योग वाणिज्य सङ्घको आयोजना र कला, संस्कृति, पर्यटन प्रवर्द्धन मञ्च रुकुम पश्चिमको सह आयोजनामा जारी महोत्सव फागुन २८ गतेसम्म सञ्चालन हुने छ ।

प्रकाशित मिति: आइतबार, फागुन २०, २०८० ०८:१३

प्रतिक्रिया दिनुहोस्