ललितपुर महानगरको मेयरमा चिरीबाबु महर्जन निर्वाचित

राजनीति

गृहपृष्ठ
राजनीति
ललितपुर महानगरको मेयरमा चिरीबाबु महर्जन निर्वाचित

ललितपुर महानगरको मेयरमा चिरीबाबु महर्जन निर्वाचित उपमेयरमा एमालेकी शाक्य निर्वाचित

बुधबार, जेठ ११, २०७९ मिडिया जर्नल

Chiri dai lalitpur.jpg

ललितपुर, १० जेठ । ललितपुर महानगरपालिकाको मेयरमा कांग्रेसका उम्मेदवार चिरीबाबु महर्जन दोस्रो पटक निर्वाचित भएका छन् । उनले निकटतम प्रतिद्वन्द्वी एमालेका हरिकृष्ण व्यञ्जनकारलाई १८ हजार १ सय ६२ मतान्तरले पराजित गरेका छन् । ललितपुरमा ८६ हजार ५ सय ४० मत खसेकोमा महर्जनले ४२ हजार ७ सय २२ मत ल्याए भने व्यञ्जनकारले २४ हजार ५ सय ६० मात्र मत ल्याउन सफल भए ।

२०७४ सालको स्थानीय तहको निर्वाचनमा पनि दुवै जना आमनेसामने भएका थिए । त्यतिबेला महर्जनले ३ सय २६ मात्र मत अन्तरले व्यञ्जनकारलाई हराएका थिए । त्यतिबेला महर्जनले २४ हजार ६ सय ४२ मत प्राप्त गर्दा व्यञ्जनकारले २४ हजार ३ सय १६ मात्र मत प्राप्त गरेका थिए ।

उपमेयरमा भने एमालेका मञ्जली शाक्य निर्वाचित भएका छन् । शाक्यले गठबन्धनबाट उठेका माओवादी केन्द्रका बाबुराज बज्रचार्यलाई ६ हजार ३ सय ३२ मत अन्तरले हराइन् । शाक्यले २५ हजार ८४ मत प्राप्त गरिन् भने बज्रचार्यले १८ हजार ७ सय ५२ मात्र मत प्राप्त गरे । निर्वाचित दुवैले परिणाम घोषणा अघि नै विजय जुलुस गरेका छन् ।

प्रकाशित मिति: बुधबार, जेठ ११, २०७९ ११:२०