एजेन्सी, ३ मंसिर । यसपटकको चन्द्र ग्रहणले एक विशेष संयोग ल्याएको छ । नासाको वेबसाइट अनुसार यो आंशिक चन्द्रग्रहण ३ घण्टा २८ मिनेटको हुनेछ । जुन ५८० वर्षमा सबैभन्दा लामो आंशिक चन्द्र ग्रहण हो । नेपाली समय अनुसार यो ग्रहण दिउँसो हुनेछ, त्यसै कारण यो नेपालमा देखिने छैन ।
नेपाल पञ्चाङ्ग निर्णायक समितिका अनुसार नेपाली आकाशबाट ग्रहण नदेखिने हुनाले ग्रहण बार्नु पर्दैन । नेपाली समयानुसार दिउँसो १ः०३ बजेदेखि लाग्ने चन्द्रग्रहण अपराह्न ४ः३२ बजेसम्म देखिने जनाइएको छ ।
भारतका ज्योतिषाचार्य पण्डित मनिश शर्माका अनुसार जहाँबाट चन्द्रग्रहण देखिँदैन त्यहाँ सुतक पनि रहनेछैन, यो ग्रहको धार्मिक मान्यता पनि हुनेछैन । उनका अनुसार जहाँ जहाँ चन्द्र ग्रहण देखिनेछ, ती क्षेत्रमा मात्रै सुतकजस्ता धार्मिक मान्यता हुनेछ ।
पण्डित शर्माका अनुसार सन् २०२१ अघि यति लामो आंशिक चन्द्र ग्रहण २७ फेब्रुअरी १४४० मा पुर्णिमामा भएको थियो । १९ नोभेम्बर अर्थात् आजको चन्द्र ग्रहण पश्चिमी अफ्रिका, पश्चिमी युरोप, उत्तरी र दक्षिणी अमेरिका, एशिया, अष्ट्रेलिया र अटलान्टिक महासागरमा देखिनेछ । ग्रहणको मोक्ष चन्द्रोदयको समय अष्ट्रेलिया, इन्डोनेशिया, थाइल्याण्ड, भारतको पूर्वोत्तर भाग, चीन् र रुसमा देखिनेछ ।
1721113067.jpg)
1727674320.jpg)
1725183633.jpg)
1722250944.jpg)
1731395413.jpg)
1717581128.jpg)
