पूर्वमुख्यमन्त्री थापामाथि कुटपिट

समाज

गृहपृष्ठ
समाज
पूर्वमुख्यमन्त्री थापामाथि कुटपिट

पूर्वमुख्यमन्त्री थापामाथि कुटपिट

आइतबार, माघ ६, २०८१ मिडिया जर्नल

बिराटनगर । झापामा कोसी प्रदेश मुख्यमन्त्री उद्धव थापामाथि कुटपिट भएको छ। प्रेस युनियन झापाले आयोजना गरेको वार्षिक साधारण सभाबाट फर्किंदै गरेका थापामाथि एक समूहले कन्काई नगरपालिकाको जुकेखाडीनजिक कुटपिट गरेको प्रहरीले जनाएको छ।

बा १ झ ६५३ नम्बरको गाडीमा फर्किंदै गरेका थापामाथि बा १ झ १८७० मा सवार एक समूहले कुटपिट गरेको प्रहरीको भनाई छ।

कुटपिटबाट थापा घाइते भएका छन्। उनको आँखामा चोट लागेको छ। थापा बिर्तासिटी अस्पतालमा सामान्य उपचार पछि घर फर्किएको जिल्ला प्रहरी कार्यालय झापाका प्रमुख एसपी मिलन केसीले जानकारी दिए। विद्युत प्राधिकरणका कर्मचारी सवार गाडीलाई थापा चढेको गाडीले ओभरटेक गर्ने क्रममा विवाद भएको थियो।

सोही विवादका क्रममा ती चालकले थापामाथि हातपात गरेको प्रहरीले जनाएको छ। थापामाथि कुटपिटमा संलग्न दुई जनालाई प्रहरीले पक्राउ गरेको छ। पक्राउ परेका व्यक्तिको नाम प्रहरीले सार्वजनिक गरेको छैन।

नेपाल विद्युत प्राधिकरण झापाका ड्राइभरले हातपात गरेको प्रहरी श्रोतले जनाएको छ।

प्रकाशित मिति: आइतबार, माघ ६, २०८१ ०८:२१

प्रतिक्रिया दिनुहोस्