भारतमा रहँदा अब नेपालीले पनि भारतीय सीमकार्ड लिन सक्ने

प्रवास

गृहपृष्ठ
प्रवास
भारतमा रहँदा अब नेपालीले पनि भारतीय सीमकार्ड लिन सक्ने

भारतमा रहँदा अब नेपालीले पनि भारतीय सीमकार्ड लिन सक्ने

मंगलबार, फागुन ८, २०८० मिडिया जर्नल

1.jpg

काठमाडौँ । नेपालबाट विभिन्न कारणले भारतमा रहँदा सीमकार्ड निकाल्न नपाउने समस्याबाट नेपाली नागरिक मुक्त हुने भएका छन् । अब भारतमा रहेका नेपालीले पनि सिमकार्ड निकाल्न पाउने भएका छन् ।

अब नेपाली नागरिकहरूले आफ्नो राहदानी, नागरिकताको प्रमाणपत्र, मतदाता परिचय पत्र वा दूतावासले जारी गरेको परिचय पत्रको आधारमा भारतको सीमकार्ड लिन सक्ने भएका हुन् ।

भारतका लागि नेपाली राजदूत डा।शंकर शर्माले सामाजिक सञ्जाल एक्समा पोस्ट गर्दै यसबारे जानकारी गराएका छन् । उनले लेखेका छन् – ‘यसअघि प्राविधिक कारणले नेपालीलाई भारतीय सीमकार्ड दिन अस्वीकार गरिएको थियो । हाम्रो अनुरोधपछि भारतको विदेश मन्त्रालय र सञ्चार मन्त्रालयले स्वीकार गरेको छ । ’

यसअघि भारतमै लामो समय बसेर काम वा व्यवसाय गरिरहेका र आधार कार्ड बनाएका नेपालीले बाहेक अन्यले भारतीय सीमकार्ड पाउँदैन थिए । विकल्पमा भारतीय नागरिककै सीम कार्ड प्रयोग गर्नुपर्ने जोखिमपूर्ण बाध्यतामा भारत पुग्ने नेपालीहरू थिए ।

भारतमा चिनजान केही नहुने भ्रमणकर्ता वा काममा जाने नेपालीहरूले त्यहाँ सीमकार्ड लिन नपाउँदा ठूलो सास्ती बेहोर्नु परिहेको छ ।

प्रकाशित मिति: मंगलबार, फागुन ८, २०८० ११:०६