ललितपुरको हात्तीवनमा मापसे चालकको कार पोलमा ठोक्किँदा तीन घाइते

समाज

गृहपृष्ठ
समाज
ललितपुरको हात्तीवनमा मापसे चालकको कार पोलमा ठोक्किँदा तीन घाइते

ललितपुरको हात्तीवनमा मापसे चालकको कार पोलमा ठोक्किँदा तीन घाइते

सोमबार, वैशाख २२, २०८२ मिडिया जर्नल

ललितपुर । ललितपुर महानगरपालिका–१५ हात्तीवनस्थित सडकमा गएराति मापसे (मदिरा सेवनपछि सवारी) गरी चलाइएको कार बिजुलीको पोलमा ठोक्किँदा तीन जना घाइते भएका छन्।

जिल्ला प्रहरी परिसर ललितपुरका अनुसार राति करिब ११ बजेतिर बा.१५ च ७६५२ नम्बरको फोर्ड कार आफैँ अनियन्त्रित भई सडकछेउको पोलमा ठोक्किएको थियो। दुर्घटनामा तीन जना यात्रु घाइते भएका छन् भने चालकलाई प्रहरीले नियन्त्रणमा लिएको छ।

गाडीका चालक रूपक सापकोटा (३२), गोदावरी नगरपालिका–३ टौखेल निवासी रहेको प्रहरीले जनाएको छ । प्रारम्भिक अनुसन्धानमा सापकोटाले मापसे गरेर सवारी चलाएको पुष्टि भएको जिल्ला प्रहरी परिसरका एक अधिकृतले जानकारी दिएका छन् ।

दुर्घटनामा घाइते हुनेहरूमा म्याग्दी स्थायी घर भई हाल गोदावरी बसोबास गर्दै आएका ४० वर्षीय अमर ध्वज पौडेल, टौखेल निवासी २२ वर्षीय विशाल विक, र २९ वर्षीय सौगात लामिछाने रहेका छन् । उनीहरूलाई उपचारका लागि ललितपुरस्थित बीएन्डबी अस्पतालमा भर्ना गरिएको छ ।

प्रकाशित मिति: सोमबार, वैशाख २२, २०८२ ११:०३

प्रतिक्रिया दिनुहोस्