रवि लामिछाने दोस्रो तारेखका लागि आज कास्की जिल्ला अदालतमा

राजनीति

गृहपृष्ठ
राजनीति
रवि लामिछाने दोस्रो तारेखका लागि आज कास्की जिल्ला अदालतमा

रवि लामिछाने दोस्रो तारेखका लागि आज कास्की जिल्ला अदालतमा

आइतबार, फागुन २५, २०८१ मिडिया जर्नल

काठमाडौँ । राष्ट्रिय स्वतन्त्र पार्टी (रास्वपा) का सभापति रवि लामिछाने दोस्रो तारेखका लागि आज कास्की जिल्ला अदालतमा उपस्थित हुँदै छन्। कास्कीको पोखरास्थित सूर्यदर्शन सहकारी ठगी मुद्दामा पुस २५ गते ६५ लाख धरौटीमा रिहा भएका पूर्वगृहमन्त्री रवि अहिले तारेख धाइरहेका हुन्।

दोस्रो तारेखका लागि आज बिहान उनी काठमाडौँबाट पोखरा प्रस्थान गरेका छन्। पोखरा जान उनी पत्नी निकिता पौडेलसँगै त्रिभुवनमा विमानस्थलमा देखिएका छन्। यसअघि उनी माघ २५ गते पहिलो तारेख बुझ्न कास्की अदालत उपस्थित भएका थिए।

कास्की अदालतमा आज तारेख बुझेर उनी लगत्तै सोमबार रुपन्देही जिल्ला अदालत उपस्थित हुने लामिछानेको सचिवालयले जनाएको छ। रुपन्देहीको बुटवलस्थित सुप्रिम सहकारी ठगी मुद्दामा पनि रवि १ करोड रुपैयाँ धरौटी माघ १३ गते बुझाएर छुटेका हुन्।

यस्तै उनी चितवनको साहारा चितवन सहकारी ठगीमा ५४ लाख रुपैयाँ धरौटी बुझाएर माघ २४ गते छुटेका हुन्। रविलाई काठमाडौँस्थित स्वर्णलक्ष्मी सहकारी ठगी मुद्दा पनि लागेको छ। उनी यस मुद्दामा माघ २ गते ६० लाख धरौटी बुझाएर छुटेका हुन्।

रविविरुद्ध पर्साको सानो पाइला सहकारी ठगीको पनि आरोप लागेको छ। त्यहाँ भने मुद्दा दर्ता गर्न बाँकी छ।

प्रकाशित मिति: आइतबार, फागुन २५, २०८१ १२:०८

प्रतिक्रिया दिनुहोस्