भूकम्पछि भोटेकोशी गाउँपालिकामा सुख्खा पहिरो

विपद/दुर्घटना

गृहपृष्ठ
विपद/दुर्घटना
भूकम्पछि भोटेकोशी गाउँपालिकामा सुख्खा पहिरो

भूकम्पछि भोटेकोशी गाउँपालिकामा सुख्खा पहिरो

शुक्रबार, फागुन १६, २०८१ मिडिया जर्नल

काठमाडौँँ । सिन्धुपाल्चोकको भैरवकुण्ड आसपास केन्द्रविन्दु भएर गएको ६.१ म्याग्निच्युडको भूकम्पको क्षतिको विवरण आउन थालेको छ ।

सिन्धुपाल्चोकका सहायक प्रमुख जिल्ला अधिकारी गणेश नेपालीले भूकम्पबाट केही घरमा सामान्य क्षति र एक जना बन्दी घाइते भएको जानकारी दिए ।

भूकम्पपछि अत्तालिएर भाग्दा सिन्धुपाल्चोक कारागारमा रहेका भोटेकोशी गाउँपालिका-५ का ३३ वर्षीय स्याङबो तामाङ घाइते भएका छन् । सहायक प्रमुख जिल्ला अधिकारीको भनाइमा तामाङको अहिले चौतारा अस्पतालमा उपचार भइराखेको छ ।

भूकम्पले इलाका प्रहरी कार्यालय कोदारीको ब्यारेक भवनमा सामान्य क्षति गरेको छ। अन्य क्षतिको विवरण आउनेक्रममा रहेको उनको भनाइ छ। उद्धारका लागि सुरक्षा निकायलाई तयारी अवस्थामा राखिएको उनले जानकारी दिए ।

त्यसैगरी, भूकम्पछि भोटेकोशी गाउँपालिकामा सुख्खा पहिरो गएको पनि उनले जानकारी दिए।

प्रकाशित मिति: शुक्रबार, फागुन १६, २०८१ ०८:१९

प्रतिक्रिया दिनुहोस्