चितवनमा प्रथम राष्ट्रिय डेरी महोत्सव संचालन हुने

समाज

गृहपृष्ठ
समाज
चितवनमा प्रथम राष्ट्रिय डेरी महोत्सव संचालन हुने

चितवनमा प्रथम राष्ट्रिय डेरी महोत्सव संचालन हुने

बुधबार, माघ १६, २०८१ मिडिया जर्नल

चितवन । चितवनमा प्रथम राष्ट्रिय डेरी महोत्सव यही माघ २५ गतेदेखि सञ्चालन गर्न लागिएको छ । जिल्ला दुग्ध उत्पादक सहकारी सङ्घ र उद्योग सङ्घको संयुक्त आयोजनामा महोत्सव गर्न लागिएको हो ।

विदेशमा डेरीका परिकारहरूको महोत्सव हुने गरेको भए पनि नेपालमा पहिलो पटक महोत्सवका रूपमा दुध र दुग्धजन्य वस्तुको बजार प्रवर्द्धनका लागि महोत्सव गर्न लागिएको दुग्ध उत्पादक सहकारी संघका जिल्ला अध्यक्ष किशोर बगालेले जानकारी दिए । उनका अनुसार दुधको बजार राम्रो नभएको र भुक्तानी समयमा नआएको विषयलाई मध्यनजर गरेर महोत्सव आयोजना गरिएको हो ।

महोत्सवमा ७० व्यापारिक कक्ष (स्टल) रहनेछन् । त्यहाँ दुग्ध व्यवसायमा लगानी गर्ने सङ्घ–संस्था, डेरी सम्बन्धी उत्पादन, अन्तर्राष्ट्रिय स्तरका सङ्घ–संस्थाहरूको सहभागिता रहने उनले जानकारी दिए ।

माघ २५ देखि २७ गतेसम्म हुने महोत्सव दुधको बजार प्रवर्द्धन र व्यावसायिकीकरण गर्न सहयोगी बन्ने उनको भनाई छ । महोत्सवमा दुध र दुग्धजन्य उत्पादनको बजारीकरण कसरी गर्ने भन्ने विषयमा समूहगत छलफल हुनेछ । महोत्सव उद्योग सङ्घको अन्तर्राष्ट्रिय प्रदर्शनी केन्द्रमा हुनेछ ।

प्रकाशित मिति: बुधबार, माघ १६, २०८१ १२:५६

प्रतिक्रिया दिनुहोस्