देशलाई उन्नतस्तरमा अगाडी बढाउन सरकार अग्रसर छ : प्रधानमन्त्री ओली

राजनीति

गृहपृष्ठ
राजनीति
देशलाई उन्नतस्तरमा अगाडी बढाउन सरकार अग्रसर छ : प्रधानमन्त्री ओली

देशलाई उन्नतस्तरमा अगाडी बढाउन सरकार अग्रसर छ : प्रधानमन्त्री ओली

मंगलबार, माघ १५, २०८१ मिडिया जर्नल

काठमाडौँ । प्रधानमन्त्री एवं नेकपा (एमाले)का अध्यक्ष केपी शर्मा ओलीले कतिपयले श्रीलङ्का र बंगलादेशको कुरा गर्ने गरेपनि नेपालमा लोकतान्त्रिक अभ्यास र संवैधानिक प्रक्रियाबाहेक अन्य बाटोबाट परिवर्तनको अपेक्षा सम्भव नभएको बताएका छन् ।

माघ १८ गतेदेखि सुरु हुने सङ्घीय संसद्को हिउँदे अधिवेशनको पूर्वसन्ध्यामा मंगलबार बसेको एमाले संसदीय दलको बैठकलाई सम्बोधन गर्दै प्रधानमन्त्री ओलीले यस्तो बताएका हुन् ।

‘श्रीलङ्का र बंगलादेशका उदाहरणका कुरा गरे पनि नेपालमा लोकतान्त्रिक अभ्यास र संवैधानिक प्रक्रियाबाहेक अरू प्रकारका अराजकताका बाटोबाट परिवर्तनको अपेक्षा सम्भव छैन’, प्रधानमन्त्री ओलीको भनाइ छ ।

उनले सरकारले ल्याएका विभिन्न अध्यादेशप्रति आमरुपमा सकारात्मक प्रतिक्रिया प्राप्त भएको भन्दै सरकार देशलाई पछ्यौटेपनबाट उन्नतस्तरमा लाने प्रयासमा अग्रसर रहेको दाबी गरे ।

प्रधानमन्त्री ओलीले केही गरौँ भन्ने युवाहरूलाई स्वदेशमा काम गर्ने उचित वातावरण दिन, जनताका सेवामा प्रभावकारिता ल्याउन र उद्योग–व्यवसाय सुसञ्चालनका लागि सहज वातावरण बनाउन अध्यादेश ल्याइएको स्पष्ट पारे ।

विभिन्न अध्यादेशबाट २९ वटा कानुनमा संशोधन गरिएको र छिट्टै प्रतिस्थापन विधेयक ल्याएर स्थायी कानुन बनाएर प्रभावकारी कार्यान्वयन गर्ने प्रधानमन्त्रीले बताए ।

प्रकाशित मिति: मंगलबार, माघ १५, २०८१ १६:१०

प्रतिक्रिया दिनुहोस्