त्रिविमा स्नातक तहको भर्ना माघ ११ सम्म

शिक्षा/स्वास्थ्य

गृहपृष्ठ
शिक्षा/स्वास्थ्य
त्रिविमा स्नातक तहको भर्ना माघ ११ सम्म

त्रिविमा स्नातक तहको भर्ना माघ ११ सम्म

बिहीबार, माघ ३, २०८१ मिडिया जर्नल

काठमडौं । त्रिभुवन विश्वविद्यालयले स्नातक तहकोे भर्ना समय माघ ११ गतेसम्मलाई दिएको छ । भर्नाको समय सकिएपनि कतिपय विद्यार्थी भर्ना नभएको तर कक्षामा आउने गरेकाले भर्नाको समय थप गरिएको हो ।

‘सबै पक्षसँग छलफल गरेर ११ माघसम्मको समय दिइएको हो,’ त्रिविका शिक्षाध्यक्ष प्रा.डा. खड्ग केसीले भने । समय थप गर्ने विषयमा रेक्टर कार्यालयले डीनहरूसँग छलफल गरेको थियो ।

शैक्षिक क्यालेन्डर प्रभावितच नहुनेगरी भर्नाको समय थप गर्न सुझाव आएपछि समय थप गरिएको शिक्षाध्यक्ष केसीले बताए । शैक्षिक क्यालेन्डरमा फेरबदल हुँदैन । भर्नाको समय मात्र थप गरिएको हो,’ उनले भने ।

आगामी १५ फागुनमा त्रिविमा स्ववियु चुनाव गर्ने तयारी छ । चुनावको लागि मात्र विद्यार्थी भर्ना हुने आशंकामा त्रिविले भर्ना बन्द गरेको थियो । तर विद्यार्थीहरूले निश्चित समय तोकेर मात्र भर्ना बन्द गर्नुपर्ने माग राखेका थिए । त्यसैले त्रिविले स्नातकको भर्नाको समय थप गरेको हो ।

प्रकाशित मिति: बिहीबार, माघ ३, २०८१ ११:१८

प्रतिक्रिया दिनुहोस्