‘योगलाई हरेक विद्यालय र विद्यार्थीको अभ्याससँग जोडौँ’

समाज

गृहपृष्ठ
समाज
‘योगलाई हरेक विद्यालय र विद्यार्थीको अभ्याससँग जोडौँ’

‘योगलाई हरेक विद्यालय र विद्यार्थीको अभ्याससँग जोडौँ’

मंगलबार, माघ १, २०८१ मिडिया जर्नल

काठमाडौँ । शिक्षा, विज्ञान तथा प्रविधिमन्त्री विद्या भट्टराईले शिक्षासँग योग जोडेर समाजलाई समृद्ध बनाउन मन्त्रालय प्रतिबद्ध रहेको बताएकी छन् ।

राष्ट्रिय योग दिवसका अवसरमा शिक्षा, विज्ञान तथा प्रविधि मन्त्रालयद्वारा आज यहाँ आयोजित समारोहमा उन विद्यालयतहबाटै योगलाई जीवनसँग जोड्न थालनी गर्नुपर्ने बताइन् । उनले योगलाई कक्षाकोठा र विद्यार्थीको जीवनसँग जोड्न मन्त्रालय प्रयासरत रहेको जानकारी दिइन् ।

“योगलाई हरेक विद्यालय र विद्यार्थीको अभ्याससँग जोडौँ । संस्थागत र समृद्ध विद्यालयमात्र हैन सार्वजनिक विद्यालयका विपन्न विद्यार्थीको मनोबल बढाउनलाई पनि योग अनिवार्य गर्नुपर्छ,” मन्त्री भट्टराईले भनिन् ।

स्वास्थ्य तथा जनसङ्ख्यामन्त्री प्रदीप पौडेलले योगलाई विद्यालय पाठयक्रममा समावेश गर्न आफूले मन्त्रालयका तर्फबाट हरसम्भव सहयोग गर्ने बताए । उनले स्वस्थ समाजबाट नै समुन्नत राष्ट्र निर्माणमा योगदान पुग्ने भएकाले योगलगायत स्वास्थ्यलाई सधै स्वस्थ राख्न हरेक नागरिक सचेत हुनुपर्नेमा जोड दिए । योगको प्रचारप्रसार पनि कम भएको चर्चा गर्दै यसलाई देशका सबै विद्यालयमा पुर्याउन आवश्यक छ उनले भने ।

प्रकाशित मिति: मंगलबार, माघ १, २०८१ १५:५१

प्रतिक्रिया दिनुहोस्