ठाटीकाँधमा कुकुरको टोकाईबाट १० जना घाइते

समाज

गृहपृष्ठ
समाज
ठाटीकाँधमा कुकुरको टोकाईबाट १० जना घाइते

ठाटीकाँधमा कुकुरको टोकाईबाट १० जना घाइते

शुक्रबार, मंसिर २८, २०८१ मिडिया जर्नल

काठमाडौँ । दैलेखको ठाटीकाँध गाउँपालिकामा बौलाहा कुकुरको टोकाईबाट १० जना घाइते भएका छन् । बौलाहा कुकुरको टोकाईबाट वडा नम्बर -३ मा कुकुरको टोकाईबाट १० जना घाइते भएका हुन् ।

वडाअध्यक्ष भरत बमका अनुसार अहिलेसम्म बौलाहा कुकुरले १० जनालाई टोकिसकेको छ। हिजो एकजनालाई टोकेको र आज बिहान मात्र चार जनालाई टोकेको थियो ।

घाइतेमध्ये एकजनालाई प्रदेश अस्पताल सुर्खेत पठाइएको छ । कुकुरको नियन्त्रण र भ्याक्सिनका लागि ठाटीकाँध गाउँपालिकाबाट दुइजना भेटेनरी र एकजना प्राविधिकको टोलीलाई जनप्रतिनिधिसहित पठाइएर कुकुरको नियन्त्रणका प्रयास सुरु गरिएको वडाअध्यक्ष बमले जानकारी दिए ।

साथै, कुकुरको आक्रमणबाट बच्नका लागि सबै विद्यालय र सार्वजनिक स्थानहरूमा सूचना जारी गरिएको छ । कुकुरको नियन्त्रण र जनस्वास्थ्यको सुरक्षाका लागि वडाद्वारा सबै ठाउँमा सूचना गरिएको छ ।

प्रकाशित मिति: शुक्रबार, मंसिर २८, २०८१ १४:०७

प्रतिक्रिया दिनुहोस्