अमेरिकामा एक नयाँ तथ्यांक अनुसार अमेरिकामा विवाह दर बढेको छ भने सम्बन्धविच्छेद दर घटेको छ ।
अमेरिकी रोग नियन्त्रण तथा रोकथाम(सिडिसी) राष्ट्रिय केन्द्रको स्वास्थ्य तथ्याङ्क (हेल्थ स्ट्याटिस्टिक्स)ले जारी गरेको नयाँ तथ्याङ्क अनुसार विगत दुई दशकदेखि विवाहको संख्या प्रति एक हजार व्यक्तिमा ७ देखि ८ सम्म रहेको छ।
तर २०२० मा विवाह दर प्रति एक हजारमा ५.१ तल पुगेको तथ्यांकले देखाएको छ। नयाँ तथ्यांकले अर्को वर्ष अर्थात् २०२१ मा यो दर बढ्न थालेको जनाएको छ । यसै गरि सन् २०२२ सम्ममा प्रतिव्यक्ति ६ दशमलव २ (६.२)र एक वर्षमा २० लाखभन्दा बढी विवाह संख्या वृद्धि भएको प्रतिवेदनले देखाएको छ ।
वाशिंगटन डिसीमा विवाह गराउने अनुमति प्राप्तकर्ता तथा पारिवारिक चिकित्सक मारिसा नेल्सनका अनुसार विवाह दरमा वृद्धि पुनर्तालिका भन्दा बढी हुन सक्ने बताइन ।
कोभिड महामारीको बन्दाबन्दीले धेरै जोडीहरू आर्थिक भारको ठूलो चपेटामा परे । यसले उनीहरुलाई पार गर्न पाठ सिकाउनुको साथै उनीहरूलाई आर्थिक, सम्झौता र स्वायत्तता जस्ता महत्त्वपूर्ण कुराहरूमा कसरी पुगे भन्ने बारे सचेत बनायो। धेरै व्यक्तिहरू त्यो अनुभवबाट आफूलाई जीवनसाथीमा के चाहिन्छ भन्ने राम्रो ज्ञानका साथ बाहिर निस्के, नेल्सनले भनिन ।
सन् २०२२ मा सम्बन्ध विच्छेद दर प्रति एकहजार मानिसहरूमा २.४ रहेको छ । यद्यपि यो अहिलेसम्म भएको सबैभन्दा कम होइन । सन् २०२१ मा सम्बन्ध बिच्छेद २.३ रहेको थियो । तथ्यांक अनुसार यो सम्बन्ध बिच्छेद घट्ने प्रवृति जारी रहेको छ ।
सन् २००० संग तुलना गर्दा सम्बन्ध विच्छेदको दर प्रति एकहजार मा ४ थियो भने वर्तमान दर दुई दशक अघिको भन्दा ठूलो गिरावट हो।
कोभिडको बन्दाबन्दीको समयमा सँगै घरमा बसोबास गर्ने धेरै जोडीहरूलाई उनीहरूको सम्बन्धमा समस्याहरूको सामना गर्न बाध्य तुल्यायो, नेल्सनले भनिन । -एजेन्सी
