सबैभन्दा धेरै कोरोना संक्रमित प्रदेश नं. ५मा, संक्रमितको संख्या ३१ सय नाघ्यो

समाज

गृहपृष्ठ
समाज
सबैभन्दा धेरै कोरोना संक्रमित प्रदेश नं. ५मा, संक्रमितको संख्या ३१ सय नाघ्यो

सबैभन्दा धेरै कोरोना संक्रमित प्रदेश नं. ५मा, संक्रमितको संख्या ३१ सय नाघ्यो संक्रमितको संख्या ३१ सय नाघ्यो

शुक्रबार, असार १२, २०७७ मिडिया जर्नल

सबैभन्दा धेरै कोरोना संक्रमित प्रदेश नं. ५मा, संक्रमितको संख्या ३१ सय नाघ्यो

बुटवल, १२ असार । प्रदेश नं. ५ मा थप १ सय २४ जनामा कोरोना संक्रमण पुष्टि भएसँगै कारोना संक्रमितको संख्या ३ हजार १ सय १० पुगेको छ । प्रदेश स्वास्थ्य निर्देशनालयले अद्यावधिक गरेको पछिल्लो तथ्यांक अनुसार प्रदेशका १० जिल्लामा बिहीबार रातिसम्म १ सय २४ नयाँ संक्रमित थपिएका हुन् ।

नयाँ संक्रमित थपिनेमा दाङमा ५४ जना, पाल्पामा २१ जना, गुल्मीमा १२ जना, रुपन्देहीमा ९ जना, प्युठानमा ७ जना, बर्दियामा ६ जना, नवलपरासी पश्चिममा ६ जना, बाँकेमा ४ जना र कपिलवस्तुमा १ जना थपिएका हुन् ।

यसअघि बिहीबारै पाल्पाका १२४ जनामा कोरोना संक्रमण पुष्टि भएको थियो । योसँगै जिल्लागत रुपमा कोरोना संक्रमितको संख्या कपिलबस्तुमा ७०८, पाल्पामा ३९३, दाङमा ३८२, बाँकेमा ३५४, रुपन्देहीमा २७५, गुल्मीमा २५९, अर्घाखाँचीमा २५४, प्युठानमा १९१, बर्दियामा १६१, नवलपरासीमा ८४, रोल्पामा ४५ र रुकुमपूर्वमा ४ पुगेको छ ।

प्रदेश जनस्वास्थ्य निर्देशनालयका तथ्यांक अधिकृत मनबहादुर वलीका अनुसार प्रदेश ५ मा ६ हजार ७ सय ६२ जनाको स्वाबको पीसीआर परीक्षणको रिपोर्ट आउन बाँकी छ ।

प्रदेशका कोरोना विशेष अस्पताल र आइसोलेसन सेन्टरमा ४ जना आईसीयूमा सहित १५ सय ६ जना उपचाररत छन् । प्रदेश ५ मा १४ सय ५१ जना कोरोना संक्रमित निको भएर घर फर्केका छन् । प्रदेश ५ मा १० जना कोरोना संक्रमितको मृत्यु भएको छ । प्रदेशका १२ वटै जिल्लाका क्वारेन्टिनमा २६ हजारभन्दा बढी बसेका छन् ।