जाजरकोटको दुइवटा पालिकामा ६५.३४ प्रतिशत खस्यो

राजनीति

गृहपृष्ठ
राजनीति
जाजरकोटको दुइवटा पालिकामा ६५.३४ प्रतिशत खस्यो

जाजरकोटको दुइवटा पालिकामा ६५.३४ प्रतिशत खस्यो

आइतबार, मंसिर १६, २०८१ मिडिया जर्नल

सुर्खेत । जाजरकोटको नलगाड नगरपालिकाको उपप्रमुख र कुशे गाउँपालिका–७, को वडाध्यक्ष पदका लागि भएको मतदानमा ६५.३४ प्रतिशत अर्थात् ११ हजार ५६३ मत खसेको छ ।

दुई ठाउँको कुल मतदाता संख्या १७ हजार ७५१ रहेको थियो । ३४.६६ प्रतिशत अर्थात् ६ हजार १८८ जना मतदानमा सहभागी भएनन् ।

नलगाड नगरपालिकाको उपप्रमुख पदमा लागि ६ जना उम्मेदवार प्रतिस्पर्धामा छन् । नेकपा एमालेबाट सुनिता बोहोरा, नेपाली कांग्रेसबाट इन्द्रा चन्द सिंह, नेकपा माओवादी केन्द्रबाट देवका लामिछाने उम्मेदवार छन् । यस्तै राष्ट्रिय स्वतन्त्र पार्टी (रास्वपा)ले पार्वती पुन, राप्रपाले सुनिता पुन रावल र नेपाल समाजवादी पार्टीले पवित्रा जैसीलाई उम्मेदवार बनाएको छ

यस्तै कुशे गाउँपालिका–७ को वडाध्यक्ष पदमा चार जनाको उम्मेदवारी दर्ता भएको छ ।

एमालेबाट डम्बरबहादुर घर्ती, कांग्रेसबाट खम्बबहादुर सिंह, माओवादीबाट गोरखबहादुर नेपाली र राप्रपाबाट लालबहादुर खत्री प्रतिस्पर्धामा छन्।

प्रकाशित मिति: आइतबार, मंसिर १६, २०८१ १९:५७

प्रतिक्रिया दिनुहोस्