स्थानीय तह उप-निर्वाचन : दैलेखमा कांग्रेसले टुंगो लगायो उम्मेदवार

राजनीति

गृहपृष्ठ
राजनीति
स्थानीय तह उप-निर्वाचन : दैलेखमा कांग्रेसले टुंगो लगायो उम्मेदवार

स्थानीय तह उप-निर्वाचन : दैलेखमा कांग्रेसले टुंगो लगायो उम्मेदवार

शुक्रबार, कात्तिक २३, २०८१ जितेन्द्र थापा

काठमाडौँ । नेपाली कांग्रेसले आगामी मंसिर १६ गते हुने स्थानीय तहको उप-निर्वाचनका लागि विभिन्न स्थानमा उम्मेदवार टुंगो लगाउने काम जारी छ । यस क्रममा मंसिर १६ गते हुने उपनिर्वाचनका लागि नेपाली कांग्रेस दैलेखले महावु गाउँपालिकाको अध्यक्ष र दुल्लु नगरपालिका–१३ को वडा अध्यक्ष पदको उम्मेदवार टुंगो लगाएको छ ।

नेपाली कांग्रेस दैलेख महाबु गाउँपालिका अध्यक्षको लागि झलक बहादुर भण्डारीलाई उम्मेदवार बनाउने निर्णय गरेको छ । जिल्ला सभापति मणिराम रेग्मीका अनुसार अध्यक्षको आकांक्षी रहेका १५ जनामध्येबाट भण्डारीको नाम टुंगो लागेको बताए ।

दुल्लु नगरपालिका–१३ नम्बर वडाको वडाअध्यक्ष पदमा रेशमबहादुर शाहीको नाम टुङ्गिएको छ ।
यसअघि महावुमा काँग्रेसले जितेको थियो भने दुल्लु –१३ मा एमालेले जितेको थियो । नेकपा एमालेमा उपनिर्वाचनमा दावेदार बढी भएकाले उम्मेदवार टुंगाउन सकेको छैन् ।

नेपाली काँग्रेसबाट निर्वाचित महाबु गाउँपालिका अध्यक्ष लछुमन गुरुङ्गको ७६ वर्षको उमेरमा २०७९ माघ २७ गते निधनभएको थियो । त्यसैगरी एमालेबाट निर्वाचित दुल्लू नगरपालिका–१३ वडाका वडाध्यक्ष बिर्खबहादुर शाहीको ६५ वर्षको उमेरमा २०८० माघ २२ गते निधन भएको थियो ।

प्रकाशित मिति: शुक्रबार, कात्तिक २३, २०८१ १४:१८

प्रतिक्रिया दिनुहोस्